नायक सौगात मल्ल कात्तिक १७ गतेबाट रिलिज हुन लागेको चलचित्र ‘फाटेको जुत्ता’बाट निकै आशावादी छन् । करिअरमा निरन्तर असफल चलचित्र दिइरहेका सौगात मधेस पात्रको भूमिकाले आफूलाई माथि उठाउने विश्वासमा छन् ।

अर्जुन कुमारको निर्माणमा निकेश खड्काले निर्देशन गरेको चलचित्रमा सौगातसाग नायिका प्रियंका कार्की जोडीको रुपमा देखिएकी छिन् । सौगात चलचित्रको प्रचारमा पनि खासै हिड्दैनन् । उनी, चलचित्र प्रचारमा हिडिहाले पनि निकै कम बोल्छन् । सौगात चलचित्रले नै सबैकुरा बोल्ने भएकाले प्रचारमा कम बोल्न चाहेको बताउाछन् । सानैबाट कम बोल्ने उनको बानी नायक भैसकेपछि पनि उस्तै छ ।

नेपाली चलचित्रमा मधेस पात्र जमिरहेका छन् । मधेस पात्रकै रुपमा देखिएर धेरै कलाकार चलचित्र क्षेत्रमा जमेका पनि छन् । फरक-फरक भूमिका गर्न चाहने सौगात यो चलचित्रको भूमिकाबाट पनि सन्तुष्ट छन् ।

निर्देशक निकेश खड्काका लागि यो चलचित्र चुनौती र अवसरको विचमा छ । चलचित्र चलेको खण्डमा उनी अन्य चलचित्रमा पनि व्यस्त हुनेछन् भने असफल भएको खण्डमा उनलाई चलचित्र निर्देशन गर्न अप्ठ्यारो हुनेछ ।

चलचित्रलाई डार्क कमेडीमा निर्माण गरेका अर्जुन कुमार पनि ‘फाटेको जुत्ता’ले दर्शकलाई २ घन्टा भरपुर मनोरञ्जन दिनेमा ढुक्क छन् । चलचित्रको ट्रेलरमा समावेश केही संवाद त हिट भैसकेका छन् ।