२०८०, १५ चैत्र बिहीबार

सरकार मात्र होइन, प्रणाली नै फेरियो : उपप्रधानमन्त्री पोखरेल

सरकार मात्र होइन, प्रणाली नै फेरियो : उपप्रधानमन्त्री पोखरेल


गाईघाट, ५ फागुन: उप्रधानमन्त्री तथा रक्षामन्त्री ईश्वर पोखरेलले गणतन्त्र र सङ्घीयता स्थापना भएसँगै सरकार मात्र फेरिएको नभएर देशको सम्पूर्ण राजनीतिक प्रणाली नै फेएिको बताउनुभएको छ । उदयपुरको सदरमुकाम गाईघाटस्थित त्रियुगा उच्चमाविमा आज आयोजित कार्यक्रममा उहाँले भन्नुभयो, “नेपालमा अहिले पुरानो सरकार भङ्ग भएर दुई तिहाइको नयाँ सरकारमा मात्र फेरिएर आएको हैन, पूर्ण रुपमा हिजोका पुराना राजनीतिक प्रणाली हटाएर नयाँ प्रणाली स्थापना भएको छ ।”

सो अवसरमा उप्रधानमन्त्रीले उदयपुर जिल्लालाई देशको ४८औँ साक्षरता जिल्ला घोषणा गर्नुभयो । उहाँले तीन तहको सङ्घीयता र तीन तहको सरकार भएकाले अधिकारका विषयलाई लिएर अन्योलता देखिएको भए तापनि केन्द्रीय सरकारले नयाँ सङ्घीय कानूनहरु निर्माण गरिरहेकाले चाँडै अन्योलता अन्त्य हुने धारणा राख्नुभयो । उपप्रधानमन्त्री पोखरेलले वर्तमान सरकारले हिजो चुनावअघि जे–जे विषय पार्टीको घोषणापत्रमा राखियो तथा सरकार गठनपछि जे–जे गर्छु भनियो सोही अनुसार सरकार निरन्तर रुपमा अगाडि बढिरहेको दाबी गर्नुभयो ।

उहाँले आगामी आवदेखि वृद्धवृद्धाको सामाजिक सुरक्षा भत्ता प्रतिमहीना प्रतिव्यक्ति पाँच हजारका दरले वृद्धि गर्ने र ५ वर्षभित्र नेपालमा ७५ प्रतिशत प्राविधिक तथा व्यावसायिक शिक्षाको विकासमा पु¥याई शिक्षा विकासको कार्य सम्पन्न गर्नेसमेत नीतिका साथ वर्तमान सरकार अगाडि बढिरहेको धारणा व्यक्त गर्नुभयो । उपप्रधानमन्त्री पोखरेलले सुरक्षा, देशको रक्षा गर्न कटिबद्ध रहेको भन्दै आगामी ५ वर्षभित्र देशमा ५० प्रतिशत युवालाई स्वदेशमा नै स्वरोजगार बनाउने अभियानमा सरकार लागिपरेको उल्लेख गर्नुभयो ।

कार्यक्रममा शिक्षा विभागका महानिर्देशक बाबुराम पौडेलले उदयपुर जिल्लालाई साक्षरता जिल्ला घोषणा भएकामा खुशी व्यक्त गर्दै अब जिल्लालाई सारक्षताबाट शिक्षाको विकासमा अगाडि बढाउनुपर्ने धारणा व्यक्त गर्नुभयो । उदयपुर क्षेत्र नं २ का सङ्घीय सांसद सुरेशकुमार राईले समेत उदयपुर जिल्ला साक्षरता जिल्ला घोषणा भएकामा उदयपुरवासीलाई धन्यवाद दिनुभयो । संयुक्त राष्ट्रसंघीय शैक्षिक, वैज्ञानिक एवम् सांस्कृतिक संगठन(युनेस्को)को नियमअनुसार ९५ प्रतिशत जनता साक्षर भएपछि साक्षरता घोषणा गर्न सकिने र उदयपुर जिल्लामा अहिले ९६.३२ प्र्रतिशत जनता साक्षर भएको शिक्षा विभागका महानिर्देशक बाबुराम पौडेलले जानकारी दिनुभयो ।
-रासस

प्रकाशित मिति : २०७५, ५ फाल्गुन आईतबार  ६ : ५५ बजे

बागमती र कोशी प्रदेशमा विहानैदेखि मेघगर्जन र चट्याङ्गसहित हल्का वर्षा

काठमाडौं । हाल नेपालमा पश्चिमी वायु तथा स्थानीय वायुको प्रभाव

अपाङ्गता भएकाहरुको माग संवोधनका लागि कार्यदल गठन गर्न मन्त्री चौधरीको निर्देशन

काठमाडौं । अपाङ्गता भएका व्यक्तिहरुको हक अधिकारका लागि आवश्यक नीति,

राज्य व्यवस्था तथा सुशासन समितिले गृहमन्त्री लामिछानेलाई बोलायो

काठमाडौँ । प्रतिनिधि सभाको राज्य व्यवस्था तथा सुशासन समितिले बुधबारको

एमाले पार्टी कार्यालयमा होलीको रौनक, यसरी मनाए नेताहरुले होली (तस्बिर)

काठमाडौं । नेकपा एमालेका अध्यक्ष केपी शर्मा ओलीसहितका शीर्ष नेताहरुले

आज पनि पाँच प्रदेशमा पानी पर्ने, केहि स्थानमा हल्का हिमपातको सम्भावना

काठमाडौं । हाल नेपालमा पश्चिमी न्यून चापीय प्रणाली र स्थानीय